Androany aho mba hiresaka momba ny fiainan'ny olona an-davanandro indray. Manodidina indrindra ny zava-mitranga eto amin'ny firenena: olana, vahaolana.....
Ny zavatra tsikaritro dia rehefa raikitra ny tafatafa samy akama sy ny samy tsy akama eny an-dalambe, anjoron-trano, antsisin-dalana, anaty fiara fitateram-bahoaka eny ; dia toy ireny andrarezina ireny daholo izay rehetra misoka-bava. Mirotsaka ny resaka politika dia ireo fa samy manana holazaina avokoa na ny bodo na ny adala, samy toa mahita vahaolana daholo. Asa na dia ahoana loatra aza no tsy naha minisitra ny sasany tamin'izy irenyfa dia miraradraraka mihitsy ny soso-kevitra rehetra, nefa anie tsy lasa aiza fa tapitra eo am-baravaran'ny bus izany tehetra izany e!
Eo ihany, mivadika resaka sosialy tampoka ny resaka: indreo eo daholo indray fa samy tompon'ny fanalahidy mankany amin'ny fandrosoana daholo
Ny tena hitako fa fahavoazan-draMalagasy be fivoarana di lany andro miedinedina fotsiny eran'ny tanàna ho hitan'ny olona hoe izaho no tena zavatra, fa tsy manao avy hatrany. Ny hevitra fotsiny no mipasapasaka fa ny finiavana hanao tsy misy mihitsy na dia kely aza. Angamba raha samy miezaka avy ny tsirairay mba hanao izay andehanan'ny firenena dia mampisy fanantenana be dia be ny handrosoan'ny firenena
Manampy an'izay ny firaisan-kina sy ny fifankatiavana eo amin'ny samy mpiray tanindrazana, fa atao ahoana moa ny hampandroso ny tokantrano iray raha toa ka ny ao anatiny aza tsy miray saina akory.........
hatreo aloha ny androany fa sao lany ron-doha mitatasika fotsiny eto koa!!!!!
Le ciel bleu sur nous peut s'effrondrer Et la terre peut bien s'écrouler Peu m'importe si tu m'aimes Je me fous du monde entier Tant que l'amour inondera mes matins Tant que mon corps frémira sous tes mains Peu m'importent les grands problèmes Mon amour, puisque tu m'aimes... J'irais jusqu'au bout du monde Je me ferais teindre en blonde Si tu me le demandais... J'irais décrocher la lune J'irais voler la fortune Si tu me le demandais... Je renierais ma patrie Je renierais mes amis Si tu me le demandais... On peut bien rire de moi, Je ferais n'importe quoi Si tu me le demandais... Si un jour la vie t'arrache à moi Si tu meurs, que tu sois loin de moi Peu m'importe, si tu m'aimes Car moi je mourrai aussi... Nous aurons pour nous l'éternité Dans le bleu de toute l'immensité Dans le ciel, plus de problèmes Mon amour, crois-tu qu'on s'aime?... ...Dieu réunit ceux qui s'aiment!
Tato ho ato dia nisy zavatra hafahafa nahazo ahy, efa im-betsaka izy ity no nahazo ahy. Amin'ny alina ilay vao manomboka rendremana iny dia misy zavatra henoko ohatry ny manindry ahy, mitazona ahy tsy hihetsika mihitsy. Mangorovitiska daholo ny vatako iray manontolo, lasa maizina be ny zavatra jereko (na dia efa ao anatin'ny maizina aza).Eo aloha mijalijaly eo mandritry ny 30 segaondra eo ho eo, tsy afa-mihetsika nefa ny saina ao tsara. Nefa rehefa ahetsiko ny lohan'ny ratsan-tanako dia miala ohatry ny tsy nisy ilay izy. Fa mbola mila hery goavana be vao mahahetsika iny lohan-tanana kely iny an!!!
Nanontany ny namako aho sao dia fantany ny anton'izany, na koa efa nisy tratran'izany.Tsy nisy nanana valin-teny nahafa-po; tsindrian'ny mpamosavy, hono, e; arahan-dolo sns......Ny navaliko azy ireo moa tamin'izay dia hoe : "tsy misy dia atahorako mpamosavy ange izany e, ny lohan-ny fanondroko fotsiny aza no ahetsiko dia mitsoaka ry Zalahy koa!" Tsy dia nino an'izany aloha aho satria.....nino kely ihany aloha izaho fa lainga lainga e. Tsy nionona tamin'izany aho fa nanao fikarohana dia nahita an'ity tao amin'ny wikipedia : "paralysie du sommeil" izany,hono, no mahazo ahy.
Efa fantatro izany ny momba an'iny, sady efa ohatry ny fantatro mialoha koa hoe hisy indray ilay izy dia efa miomana aho : manao position somary manaitaitra ny vatana (ny vatana an) mba hiara-hatory izy sy ny saina, ohatra ho avonkiko ambony be ny tongotro iray, miforitra be sns.....
Fa ity no tena tantara: Teto Antananarivo no niseho: Androany maraina ho any Talatamaty, tokotokony ho tamin'ny 8 ora maraina teo. Afaka kelikely teo amin'ny JUMBO SCORE Digue eo, nangorovitsika daholo ny vatako iray manontolo. Taitra be aho. Ny nalehan'ny eritreritro dia ny hoe fa angaha koa tratran'ilay paralysie de sommeil na efa mandehandeha aza? sa ve ity vao tena mpamosavy.....andro atoandro? Andeha hi-surf ve aloha hijerena hoe inona ity (satria raha ho any amin'ny namana dia zavatra hafa indray no hoteneniny eo). 2 segaondra ihany izany erit
Miaraka eny an-dalana, someby aok'izany Mifampitositosy sy mifananihany Tsy mihontsona akory ny ao anatiko ao Eh! Fitia fahazaza; nataoko kilalao
Rehefa mba mitafa mitokana irery Ny andaniny mandà, ny ankilany manery fa amin'ny herinandro no atao ny mariazy Fitia fahazaza; eh! nataoko vazivazy
Indreny fa midola andeha hamonjy tsena manopy maso kely ny fivarotan-kena Avy eo mitanjozotra mandroso ny Hotely Eh! Fitia fahazaza; fitiavan-jazakely
Raha tonga ny alahady; indreny izy ireny "Ianao mankeny ambony, izaho eo amin'ny Neny!" Dia mifanopy maso mandritry ny fotoana Fitia fahazaza; eh! adaladala foana
Tsaroako izany lasa, mandona ny aty foko sinikotra anaty pejipejy maro loko Tantara ihany ireny; vinany tafatoetra Tamberina sy tsiahy ny lasa rehetra rehetra
Match de final niadian'ny JAPANS ACTUEL sy CNaps: 2-0 ho an-ny CNaPS. Efa henonareo ve izany CNaPS izany hatramin'izay? Mbola tsy heno? Henoy ary. Nouveau Champion, nouvelle génération, nouvelle légende de football de Mada!
Fantatrareo moa hoe iza ny DG-ny CNaps?izy no ilay adversairen'i Ahmad tamin'ny fifidianana président de la Fédération Malgache de Football farany teo. Namoaka joueur vaovao i Raoul, CNaPS victorieux THB Ligue de Champion Madagascar. Hita foana hoy aho ny olona tena tia ny baolina kitra rehefa mitantana ny azy. Marihiko eto fa efa hatramin'ny ela i Raoul no naniry ny hampivoatra lavitra ny baolina kitra Malagasy. Raha ny fitiavany an'io taranja iray io aloha dia tsy isalasalako ny milaza fa hanana ny hoaviny ny baolina kitra Malagasy raha ny finiavany no avela hahazo laka. Jereo tsara fa hilakalaka amin'izay ny CNaPS manomboka hatreto.
2 segaondra ihany izany eritreritra rehatra izany fa 20 seganondra vao fantatra ny antony: hay ireto fiarakodia milahatra lavabe no nahatonga an'ilay izy, sady amin'izay midongizina tsy mihetsika mihitsy. Tsy mbola fahitako mihitsy ny ohatr'ity. Notohizako ihany ny diako (fa izaho nandeha scooter). teo Ambodimita no niandohan'ilay emboutaillage. Dia hoy aho any an-tsaiko hoe:"tsentsin'ny anona izany ny vodin'ny Mita kle!". Efa hatrany amin'ny Ambassade des Etats Unis koa ny avy any Talatamaty. Dia nahavatra nanontany Saofera mihitsy moa izaho izany raha toa ka efa mpitranga amin'iny lalana iny ny emboutaillage vao maraina ohatr'izao. Ny valiny dia tsotra:"Aza mandrangitra eo ialahy fa lasa ialahy mandeha". Gaga aho hoe izaho ve no mandrangitra sa izy koa no mila rangitina? Saika rangitra koa aho...fa tsy rangitra tampoka. Hany heriko niverina mba nijery izay tena antony tao. Indrisy anefa, tara loatra; efa rava ny tany amin'ny lohany tany. Mbola tsy rangitra ihany aho.
Eo indrindra no tiako hasongadina; ny emboutaillagen'Antananarivo. Ny ety Itaosy moa no tena hitako fa dia sakafo fihinan'Itaosy ny emboutaillage, sady amin'izay tsy misy laoka. Na maraina na hariva dia misy foana. Raha vao misy Itaosy dia tsy maintsy misy miresaka ao koa ny emboutaillage . Mankaleo
Raha ny fandinihako ny tena mahatonga ny emboutaillage to Antananarivo aloha dia ny antony dia ireo voiture tsy mahay maka parking fa mitsivala-pandry eny rehetra eny, taratry ny any an-tranony. Raha mba mahay mihitsy kely ireny dia halalaka ny lalana.......
Aoka izay aloha ny amin'iny fa aleo aloha hanohana kely fa tonga koa ny régime ato, sady Dadakoa toa tsy ho tonga, Dadabe tsy tiako ny miara-mikaly aminy, Zokilahy tia kely......izaho tsy mety rangitra!!!!!!
Manao tohivakana maneho ny hatanorany
Ny eritro manjeny;
Anefa, ny tontolo notadiaviny any
Zakain’ny heniheny.
Ny hanin’olon-tiana manao amboletra,
Voafefin’ny havoana;
Ako hiakam-po mitraho an-kerisetra,
Tamberina eto foana;
Atopan’ny alom-betso handrongatra ny morona,
Tsy nisy tsy nafoy,
Tsy nisy nandrombinana , tonga tsara horona
Manao tampody fohy.
Tsikaritry ny saona mipitra anjorom-bala
Anefa ny handefitra
Toa mihantsy alahelo handrovitra ny ala
Hipaoka ho any an’efitra
Ny efitra aza sina, moana tsy mamaly
Tsy andrenesam-peo
Sondriana mitadidy ny rediko omaly
Fony aho nandalo teo
Mamoy fanantenana nasolo antsojay
No sisa herin-tsaina
Iantsoana faraonona hamerina indray
Ny nofy niangolaina
Tonga ihany ilay maraina rako-javo-mitambolona; Ireny feom-piarakodia no solon’ora fifohazana. Efa miandry indray ny adidy amin’ny maha zokiolona, Solon-dreny hanambitamby, solon-dray hiantsampazana.
Hatanjahina ny saina, dia hanainga amin’izay; I Sedy kely am-babena, fa i Môta atao an-tanana, Lolohavina eo an-doha ny sisa rovi-bemiray; Tapa-pihogo, ariary zato; izay no hany mba fananana
Aiza indray izao no misy ambim-bavan’ny mpiantsena, Sisasisan’ireo mpanana sy tsy mahay mizara? Ilay kapoaka atao vilany tsy misaraka amin-tena, ‘Ndrao dia hitsikian’ny vintana hahita tsaratsara.
Raha izao no lasa mpanana….. Eh! Matezà ny aina; Dia i Môta kely aloha no ampidiriko an-tsekoly. Jereo ‘reto zanak’olona aterina, alaina, Fa ry zandry, ny mitsindroka no hany fialam-boly.
Raha mba teo ianao ry Neny, raha mba hitanao ry Dada ‘zahay telo mianadahy, Izaho, i Môta kelinao Sy i Sedy be tomany; mbola vao mibadabada, Dia nekeko am-pitsikiana ny kapoka sy anatrao.
Aiza indray no ahitako rovi-damba hotafiana? Ny an-koditra efa simnba, ny ririnina mamely. Aiza intsony indray izao nohisy toeran-katoriana F’efa potiky ny rivotra ilay trano bongo kely.
Tamy handrakotra ny tany indray ny alin’ny ririnina, Diavolana no jiro, feon’alika no mpandrotsy; Tonom-bavaka no vetso, nofinofy no fihinina, Hanatrarana indray ny maraina………...........
RIANTSOA
(*) Vokatry ny sendrasendra ihany raha toa ka misy fitovian'ny anarana
Mbola ilain’i
Madagasikara ve ny olona tso-po, madio sy marina? Tsy voavidim-bola sy
voninahitra ary harena? Olona tsy mijery afa-tsy ny tombotsoan’ny
besinimaro, ka hanindrahindra ny fihavanana sy ny fifampitokisana eo
amin’ny samy mpiray tanindrazana. Ilaina ve ireo madio tanana amin’ny
fitantanandraharaham- panjakana? Tsy misy ilàna izany intsony angamba!
Mahazo faka loatra ny avonavon-kevitra sy ny herin’ny vola. Tsy misy ny
fitsinjovana ny ho avy iraisan’ny rehetra. Tsy any amin’ny fitantanana
ny raharaham-panjakana ihany, fa na dia ny isantokan- trano sy ny
isam-baravarana mihitsy aza. Mifamono tsikelikely isika, mifandramatra,
tsy mifampitsitsy, tsy mifandefitra. Izany fihavanana izany aloha dia
aleveno any amin’ny faramangitsokitsoka any fa mandrebireby sy tsy misy
hitavanana. Ny vola sy ny voninahitra izao no mety tsara amintsika
mianankavy........
Akombony ny vava rehefa vory daholo ny
olona raha izay hahasoa ny mpiray tanindrazana no any an-dohanao any.
Rehefa “nanota” r’Ingahiroa dia tsy misy hevitra intsony fa vita izany
ny aminy a! Aza mitetika ny hanambaka anay intsony fa tsy misy madio
tanana mihoatra ny mpitarika ankehitriny eto amin’ity firenentsika ity.
Izahay izao no eto , izay tianay ihany io. Izahay rehetra dia hanjaitra
“lamba soga” matevina afaka hiaro anay mandritra ny fotoana maharitra.
Tsy misy mahazo manovanova an’izany intsony fa izay no tapakay
mianakavy. Tsy misy mahazo mitafy an’izany ny be galona sy be
voninahitra nanonganongana ny dadanay sy ny dadabenay roalahy. Izahay
(isika mantsy e) samy Gasy e! Nahoana moa no hisy avo sy iva izany? Tsy
adala akory ny zokintsika niteny hoe aleo very tsikalakalambola toy
izay very tsikalakala-pihavanana. Koa maninona raha mba izay “tsy
nanota” taminareo no hitora-bato anay? Maninona r’Ingahiroa no
hifandrora tsy maimbo fotsiny? Hanangana zavatra ho an’ny Gasy ve isika
samy Gasy dia ny anareo ihany no hohajaina sy hankatoavina? Tsy maintsy
ho lany io volabenareo tsy ahafahana mankeny Andrainarivo (mausolée)
io. Bedin’ny sehatry ny vazahabe eo ianareo fa miseho mihatakataka
aminy, efa fanatontoloana anie izao e! Samy vizana koa, samy resy, samy
kely aina , fa samy be vava sy be fantsy ihany koa! Mbola tohizantsika
mianakavy hatrany io satria samy angady mondro tsy mahatapak’ahitra koa
anie e! Kely mandeha any an-tsena koa rehefa mody vao mba tazan’ny
olona. Tsy samy gasy indray angamba fa samy dondrona sy kentrina? Samy
leo sy tofoka , boboka ka tsy manantena na inona na inona intsony.
Indrisy ry firenena efa ngazana. Rotiky ny afo, rotiky ny fanimbana tsy
ara-drariny, rotiky ny hevitra tsy mitovy. Tsy manan-kalahatra fa
boboka.
(*)Vakio ny asa-soratr’i Rado Boboka (Dinitra P.62-67)
Dia ho nofy ihany sisa ve no hilazako indray ireo vetsovetsom-poko fiangaliko hatrizay? Raha toa tsy nisy nofy, iza moa no itanisàko ny androm-piainako rehetra; ny taraina, ny adalako?
Dia ho nofy sisa ve no navelanao hiteny sy handrotsirotsy ahy amin'ireny kalo ireny? Miangavy re ry Lala, miverena re ry Tiako mba hampisy lanja indray izay anton'ny nisiako.
Soa ihany teo ny nofy, soa ihany teo ianao ahafahako mamorona tontolo vaovao; tiako loatra mantsy, Lala, tena tiako tsotr'izao ny fitsikinao malefaka anaty nofiko ao
Avelao re aho ry nofy hitampify eo ihany, hiangoty aminao, anomezo nofy mamy, itondray nofy tsotra, ivimbino nofy lalina, mba hotantaraiko azy rehefa tong'indray ny alina
Miaraka eny an-dalana, someby aok'izany Mifampitositosy sy mifananihany Tsy mihontsona akory ny ao anatiko ao Eh! Fitia fahazaza; nataoko kilalao
Rehefa mba mitafa mitokana irery Ny andaniny mandà, ny ankilany manery fa amin'ny herinandro no atao ny mariazy Fitia fahazaza; eh! nataoko vazivazy
Indreny fa midola andeha hamonjy tsena manopy maso kely ny fivarotan-kena Avy eo mitanjozotra mandroso ny Hotely Eh! Fitia fahazaza; fitiavan-jazakely
Raha tonga ny alahady; indreny izy ireny "Ianao mankeny ambony, izaho eo amin'ny Neny!" Dia mifanopy maso mandritry ny fotoana Fitia fahazaza; eh! adaladala foana
Tsaroako izany lasa, mandona ny aty foko sinikotra anaty pejipejy maro loko Tantara ihany ireny; vinany tafatoetra Tamberina sy tsiahy ny lasa rehetra rehetra
Ô ry Raiko, mitalaho mba henoy 'ty zanakao mitenena re ry Ray moa ve izao no lalana sinoritrao ho anay? Eny, fantatro fa tsia f'izahay no ninia nampiova ny hasambarana ho lasa nahalala 'ty tontolo mamarara
Ô, ry Raiko feno antra inty aho ilay mahantra tamy hangataka aminao fo, fanahy sy toetra ary saina vaovao mba hoentiko miaro ny hoavin'ireo maro milomano ao anaty fijaliana, sy miletra fahoriana mandra-maty
Ô, ry Ray tsy manan-tsiny mba ampio iny olona iny hanadino ny hadisoako ka hahatakatra ny marina mitsentsina ao am-poko Mba omeo ahy ny hery ahasahiako mijery 'reo fotoana very foana; ahafahako manarina ny hoavy manoloana
Ampianaro, fa ilaina, na hanananay fisainana sy fiaina toy ny zaza ka hahay mifankatia na amin'ny fahavalony aza ny firenena manontolo hahay hamboly sy hikolo filaminana maharitra ahazoa-miriaria sy miadana finaritra
. Izy moa efa mahay miresaka ka dia nanontaniako azy ny fomba nanaovany an'izany.naveriny teo ny action: nopotseriny daholo ny bouton ambony rehetre izay nisy ny "plus; moins; fois; divisé par ary ny ON". Maty ilay machine
